Dili, Radio Online_Organijasao Lanenok Ba Ema Hotu (LABEH) ne’ebe halao aktividade fo informasaun ba publiku e promove boa-governasaun, tranparensia, akuntabilidade, luta hasoru korupsaun no hasae kapasidade juventude sira liu husi formasaun professional, kompleta ona tinan XII iha halao aktividade ne’e, nune’e iha loron 25/8/2015, LABEH halao seremonia aniversariu ba dala XII (25/8/2003-25/8/2015) no selebra mos tinan V ba Radio LABEH FM 91’2 MHz no halao mos graduasaun ba estudante ALBEH-VS periode XIII, iha edifisiu LABEH.
Sekertariu Estadu Komunikasaun Sosial, Nelio Ijack Sarmento iha nia deskursu alein fo parabens ba LABEH, Radio LABEH no estudante LABEH, Sekertariu Estadu ne’e mos haktuir katak tempu to’o ona ba ema hotu atu partisipa ativu iha prosesu dejenvolvimentu.
“Maluk sira iha situasaun agora indepensia ne’e, tempu to’o ba ita atu hahu oinsa ita nia kewajibanatu partisipa ativu iha prosesu ida ne’e”, dehan Sekertariu Estadu Komunikasaun Sosial, Nelio Ijack Sarmento.
Iha fatin hanesan, Direitur Jeral SEPFOPE, Jashinto Barros Gusmao haktuir mos katak sempre iha oportunidade ba ema hotu atu kontribui ba dejenvolvimentu liu husi matenek ne’ebe iha.
“To’o ona ka lae formasaun fulan ne’ene hau tuir, depois hau ba estajiu ka ba magang, hau nia badaen ne’e to’o ona atu halo servisu ruma ka sidauk, tamba iha Timoriha ona sistema kualifikasaun nasional ba formasaun ninian, iha ne’e ita foin tuir nivel fundasaun, ne’ebe ita bo’ot sira labele dehan tuir ona formasaun ne’e, servisu laiha, servisu iha, ita tengki buka Guvernu fasilita nafatin, ne’ebe hau husu ba Direitur husi LABEH nian, sira ne’ebe tuir ona iha adultu ninian, administrasaun no mos jornalista no mos ingglesh ninian, tengki halo data base ida intrega ba SEPFOPE, tamba dala ruma investor sira mai husu karik ami hein fasilita tamba ita iha data base iha ne’eba iha departementu ida ita bolu dehan informasaun merkadu trabaliu”, Sublinha Jashinto.
