Rezolve Problema Fronteira Maritima Liu-Hosi Lei Internasionál: Profesór Lowe

DILI ,Radio Liberdade Online -Liu Husi Semináriu ne’ebé ho nia Tema Lei Internasional Tasi nian iha Aula Auditόrio UNTL Caicoli , 10 /9/2015. Prof .Vaughan Lowe, QC hateten atu rezolve problema fronteira maritima tenke liu-hosi Lei internasionál tasi nian [UNLCOS].

“Atu rezolve problema fronteira tasi nian ho dame no estabilidade, nasaun rua tenke rezolve kazu ne’e tuir lei ne’ebé sira hanoin katak justu ba parte rua. No parte rua tenke iha konkordansia bázea ba lei internasioál ne’ebé kesi sira nain rua,” Profesór Lowe haktuir iha semináriu ne’e. Iha fatin hanesan Director Luta Hamutuk, Mericio Akara realsa katak “Ita hotu hakarak aplika Lei hotu-hotu hakarak Lei Internasionál Maritima no hakarak justu ba ema hotu ne’e ita nia hakarak se ita nia nasaun vizinu lakohi karik ita atu halo saida?Se nia larekuinese lei ne’e karik pur ezemplu nia laos membru ba Lei ne’e ita atu halo saida ba sira .

” Ko’alia ba jornalista sira hafoin partisipa semináriu ne’e, Ministru Estadu Kordenadó ba Asuntu Administrativu no Ministru Administrasaun Interna, Dionsio Babo Soares hateten Profesór Lowe fó ona solusaun ba kazu fronteira maritima entre Timor-Leste ho Australia.

“Prof .Lowe fó ona solusaun ba Timor–Leste e nia iha opsaun rua mak e opsaun ida mak ita bele negosia ho nasaun sira ne’e pur zemplu ho Australia no Indonesia to’o agora ita seidauk iha delemitasaun fronteira.

 “Agora dadaun ita lori hela kazu ne’e bá arbitrazen para diskuti malu ho Autralia para Sira mos bele rona ita. Ita mós komesa semana oin hahú ona negosia ho Indonesia para marka ona ita nia fronteira ho Indonesia liuliu iha tasi ,” Sr Babo haktuir.

Kazu fronteira maritima entre Timor-Leste ho Australia dadauk ne’e legalmente prosesu hela iha tribunal arbitrase internasionál iha Den Haag, Olanda. Maske iha fulan hirak-liu ba tribunal foti desizaun hodi adia prosesu ba kazu ne’e tamba Timor-Leste ho Australia hakarak rezolve kazu ne’e liu-hosi dalan amigavél.