Liu Husi AME, Hametin Unidade, Luta Ba Direitu Feto Timor Leste

Dili, Radio Liberdade Online-“Liu Husi AME, Hametin Unidade, Luta Ba Direitu Feto Timor Leste,” nudar tema sentral Asembleia Membru Extraordinariu (AME), Rede Feto Timor Leste, ne’ebe realija iha loron 16/9/2015, iha Hotel Jl.Villa.

Iha deskursu, Presidenti Conselho Rede Feto Sesante, Ivete de Oliveira, hateten katak, “enome de conselho diretoria sesante,ho hakruk tomak agradese ba konfiansa ne’ebe fo, iha tinan nen nia laran, atu lori organijasaun ida ne’e, iha tempu diak nia laran no tempu ida ne’ebe sai hanesan kriji ba hotu, rekonhese failansu barak halo hamutuk, rekonhese mos susesu barak ida ne’ebe implementa e atinji ona, nudar feto pronto atu apoia malu nafatin, ba stutura foun, parabens, hakat ba oin, konfiansa tomak, e orugulhu tomak, lideransa foun, ami la dok husi Rede, ami pronto kuandu presija ami atu reforsa, atu lori memoria instituisional, atu hakonu ita bo’ot sira, ho esperensia ne’ebe ami pasa, atu nune’e bele forti liutan.”

Nune’e Presidenti Conselho Rede Feto foun ne’ebe eleitu iha AME, Judit Ximenes, haktuir mos katak simu knar foun laos deit simu knar foun maibe konfiansa laos mos atu lao mesak maibe persija lao hamutuk atu atinji susesu.

“Tengki hanoin katak, iha faze konstrusaun du Estadu papel Sosiedade Sivil ne’e importante tebes, iha konstrusaun de Estadu, iha papel rua ka tolu ne’ebe importante, ida fas parte hanesan membru du Estadu atu partisipa iha prosesu politika dejenvolvimentu, ita bele halo kritika maibe kritika ne’ebe konstrutivu, kritika ne’ebe mak ita tengki fo solusaun, tengki fo alternative,” dehan Provedoria Direitus Humanus e Justisa, Silveiru Batista Pinto, ne’ebe partisipa mos iha Asembleia Membru Extraordinariu, Rede Feto Timor Leste.

Secretária Estado Apoio e Promoção Socio-Económica da Mulher, Veneranda Lemos haforsa liutan katak, “se ita hakarak hanesan ohin Sr.Provedor hateten dehan sosiedade sivil ne’e iha papel importante ba dejenvolvimentu, hau kongkorda, tamba ne’e mak hau sempre hatete, Sosiedade Sivil mak sai matan tilun, ibun, liman, ain, isin lolon tomak, Governo ka Estadu nian, Governu mesak labele halo servisu.”