Traballador Fulan Rua Sedauk Simu Salariu

Dili,  Radio Liberdade Online-General Maneger komapania Damenia Unipessoal, Polce David Messakh, hateten rehabilitasaun ba jardim no estatua Santa Rosa, kuaze finaliza maibe Guvernu seidauk halo pagamentu ba sira.

David akresenta durante kontrusaun lao too agora Guvernu seidauk halo pagamentu, tan ne’e, seidauk bele finaliza tuir data ne’ebe determina.

“Durante serbisu lao to’o agora Guvernu seidauk halo pagamentu ba ami, tan ne’e, osan iha ami serbisu, se osan laiha ami para, maibe  semana ida iha ona, tan ne’e ami sei hein prosesu pagamentu  tamba durante ne’e kontratu laiha,”  tenik David ba Jornalista Radio Liberdade Sesta Feira 17/10/2015, iha jardin Santa Rosa, Oe-Cusse.

Maibe David esplika liu tan, to’o loron komemorasaun Evanjelizasaun tinan atus lima jardim Santa Rosa sei finaliza. 

Osan ba kontrusaun jardim no estatua Santa Rosa hamutuk U$ 1.408.384.09,  no durasaun projetu durante fulan ne’en hahu husi 21 April 2015 too 31 Outubru 2015, Projetu ne’e rasik kaer husi Kompnia Timor Oan. 

Iha fatin seluk, Traballador Timor oan, Domingos Lasi, ne’ebe serbisu ba konstrusaun fatin Evanzelizasaun, Lifau,  kestiona durante fulan tolu sira seidauk simu sira nia salariu.

 “Servisu loron nian hamutuk fulan rua ona no lembur kalan fulan ida, material sira lamenus maibe osan estadu nian mak seidauk sai ne’e mak hau dada an uituan,” dehan Dominggos.

Domingos esplika liu tan trabalhodor Timor oan ne’ebe serbisu iha konsstrusaun jardim Lifau hamutuk nain 80, Entertantu Jornalista Radio Liberdade tenta atu kofirma ba responsabilidade kompania maibe laiha fatin, Tuir observasaun Jornalista Radio Liberdade, konstrusaun fatin ba komemorasaun 500 anos loron Evanjelizaun besik atu finalize.