
Dili, Radio Liberdade Online- ONG Luta Hamutuk serbisu ho grupu Arte, hodi loke espozisaun ba publiku durante loron lima (5) hahu husi loron 19-23/10/2015, iha edifisiu Luta hamutuk Farol, ho objetivu atu promove talentu Timor oan sira nian.
Diretor organizasaun nao governamental (ONG) luta Hamutuk, Mericio Akara, iha entrevista hateten guvernu tenki loke matan hodi hare ba arte tamba durante ne’e estadu ladun tau matan ba seitor ida ne’e.
“espozisiaun ne’e inisiativa mai husi luta hamutuk no grupu arte sira tamba durante ne’e guvernu la tau atensaun, sira senti marjinalizadu, tamba ne’e ami organiza ho espontaniamentu atu ema hotu bele halo reflesaun ho hodi denzelvolve seitor arte no kultura ” tenik Akara.
Mericio Akara, akresenta liu tan, grupu arte no kultura, iha talentu ne’ebe diak, tan ne’e presiza promove sira tamba ida ne’e reprezenta karakteristika nasaun.
Iha fatin hanesan Diretor ONG Forum Tau Matan (FONGTIL), Arsenio Pereira, hateten tenki fo valor nafatin ba matenek lokal hanesan artista, no arte sira seluk, no labele orgullu deit ba artista Indonezia no nasaun sira seluk.
Iha espozisaun ne’e, grupu arte sira hadutu teatru, muzika no pintura sira ne’ebe ho nian karekterisku iha mos kritika sosial.
Partisipa iha espozisaun husi parte gurvernu mak Minstru Obras Publikas, Gastão Sousa, Sekretaria Estadu Arte no Kurtura, sosiedade Sivil, Estudante, inklui tuirsta sira husi internasional
Entertantu , jornalista Radio Liberdade tenta atu dada lia ho sekretaria Estadu Arte noKultura maibe la fo komentariu tamba Okupadu ho serbisu.
