
Dili, Radio Liberdade Online-Ministeriu Financas anύnsiu Relatόriu Prelimináriu husi Sensus Populasaun no Uma Kain 2015, iha Hotel Timor, Dili, 21/10/2015.
Liu husi seremonia ne’e, Vice Ministeriu Financas, Helder Lopes hateten katak liu husi Sensus Populsaun no Uma Kain ne’ebe mak Timor-Leste halo, nia rejultadu katak populasaun aumenta.
“Rejultadu prelimináriu husi Sensus Populasaun no Uma Kain 2015 ninian mak populasaun hamutuk 1,167,242, ida ne’e seidauk inklui Timor oan sira ne’ebe mak hela iha rai liur e wainhira aumenta numeru ida ne’e, sei aumenta tan,” dehan Lopes.
Iha fatin hanesan Premeiru Ministru Rui Maria De Araujo agradese ba populasaun hotu nia kontribuisaun ba Sensus, katak, “hau agradese especial tebes ba populasaun Timor-Leste tomak tamba partisipa.“
“Hau enkoraza nivel politiku no Ministeriu, nivel tekniku e dirasaun hotu-hotu atu estuda didiak kontuidu dokumentus ida ne’e, implikasaun saida mak dokumentus ne’e iha ba ita ida-idak ninia servisu lor-loron ,” dehan PM.
