
Dili, Radio Liberdade Online-Alipio Gusmao Lopes, Chefe Gabinete Kuidadu Saude Primaria, informa ba Jornalista Radio Liberdade kona ba progresu implementasaun Programa Saude Na Familia, iha ICS, Komoro, iha loron 11/1/2016. “Progresu ne’ebe mak agora dadaun tuir dadus ne’ebe ami hetan, agora maijumenus iha progresu diak maibe kestiona nafatin husi munisipiu tolu mak sidauk entri dadus sira ne’e balun, ne’ebe munisipiu Viqueque, Ermera e tuir fali regiaun especial Oecusse.”
Lopes informa mos kona ba programa ne’e halo mos promosaun saude ba individu, “entermus de halo promosaun saude ba individu ida idak liu liu haree ba sira nia grupu dispensarial ne’ebe mak momentu ekipa tun ba iha familia e hetan sira fo hanesan intervensaun ba iha promosaun saude, oinsa sira bele muda hahalok risku ruma ou moras ruma oinsa sira bele prosesa ba iha klinika ne’ebe mak besik ou postu saude ou sentru saude atu hetan atendementu ruma.”
Lopes esplika programa ne’e indentifika mos katak iha komunidade barak sidauk hatene saida mak saude.
Lopes afirma liutan, moras as ne’ebe ekipa hasoru iha halao aktividade ne’e iha komunidade mak moras hadaet hanesan Malaria no TBC, no moras lahadaet mak domina ho Hipertensaun Alterial.
MudaTuir Lopes, Vizita integradu ne’e sei halao rutina iha komunidade nia le’et.
Programa Saude Na Familia hetan apoiu husi Orsamentu Jeral du Estadu no mos ajensia internasional WHO, UNICEF, WFP, AUSAID no mos seluktan, Programa ne’ebe lansa iha Abril 2015 ne’e kobre ona familia ho total mil kuatru sentus des.
