Governu Timor-Leste Hato’o Solidaridade Ba Povu Indonesia.

Fonte : http://kaltim.tribunnews.com/2016/01/14/foto-inilah-foto-foto-tragis-tragedi-bom-sarinah-thamrin

Dili, Radio Liberdade Online_Relasiona ho atake coordinada iha Jakarta Central, horsehik, Governu Timor-Leste hato’o nia solidaridade ba Governu no Povu Indonesia.

Governu Timor-Leste kondena atake ida ne’e nudar aktu kriminozu no ho laran tomak hato’o kondelensia ba vitima sira iha insidente ne’e nia familia no kolega. iNFORMASAUN NE'E rADIO lIBERDADE asesu via email iha loron 15/1/2016.

Governu ho laran tomak suporta deklarasaun husi Presidente Indonesia, Joko Widodo, nebe dehan, “ita nia nasaun no ema sira labele tauk, ita sei lamonu ba aktu terror sira hanesan ne’e”.

Porta Voz, Sestu Governu Konstitusional, Ministru Estadu, Agio Pereira nota, “ita hamriik nafatin iha ispiritu solidaridade no amizade ho Governu no Povu husi ita nia nasaun vizinhu iha momentu difisil ida ne’e. Atake sira hanesan ne’e laiha fatin iha ita nia regiaun. Iha tempu nebe hanesan, ita moos apresia tebes serbisu husi autoridade seguransa no servisu emergencia nian nebe responde lalais no efetiva ba momentu difisil ida ne’e.”