Partido Aumenta Presiza Sosializasaun no Edukasaun Sivika

Radio, online – Atu tama ba festa demokrasia iha nasuan ne’e, partido politiku sira mos komesa aumenta. Bazeia ba kuantidade partido politiku ne’e presiza tebes sosiedade sivil Nasional no Internasional halo sosializasuan konaba eleisaun no edukasaun sivika ba povu sira hodi nune’e eleisaun lao ho diak liutan.

Kestaun ne’e hato’o husi Prezidenti Comisaun Nacional da Eleisoens (CNE) Faustino Cardoso wainhira abertura ba treinamentu konaba edukasaun sivika durante loron ha’at (15-18 de Agust), ne’ebe halao iha Otel Boaventura Bidau Dili, Segunda, (15/8).

Presidente CNE ne’e hatutan, treinamentu  edukasaun sivika ne’e importante tebes atu hasae no hametin liu tan koinesementu partisipantes iha prosesu tomak konaba eleisaun. Edukasaun sivika iha konstestu   atu haforsa liu tan  valor demokrasia  iha sosiedade nia le’et.

Nune’e mos husi treinamentu ne’e partisipantes  sira bele hatene diak liu tan maneira, mekanismo, metolojia halo edukasaun sivika ida ne’ebe mak efektivu  hodi nune’e  objetivu  husi edukasaun sivika bele hetan.

Faustino afirma liu tan katak,  prezensa partido politiku iha nasaun ne’e nudar pilar ba demokrasia. Prezisa iha duni iha intervensaun edukasaun sivika iha sosiedade nia le’et atu nune’e valores demokrasia ne’e bele hatur -an  no hametin iha sosiedade nia le’et.

“Ita nia partido politiku agora aumenta tan ne’e duni presiza tebes halo edukasun sivika husi sosiedade sivil husi nasional no internasional ba ita nia povu sira,”nia komenta.

Iha hanesan Komisaun organizadora ba treinamentu Augusto Pereira hateten, treinamentu iha area edukasaun sivika ne’e atu atrai ema povu sira tuir eleisaun geral mai ho vontade iha moris demokrasia nia laran.

Partisipante ba treinamentu ne’e mai husi pontus fokal poin mau husi Distritu 13, media hanesan RTL, TVTL , TLMDC  no Fundasaun Alola.