Hatur Dignidade Akademiku Hodi Eleva Kualidade No Formasaun Avansadu.

Dili, Radio Liberdade Online - Dezenvolve UNTL ho dignidade akademiku hodi eleva kualidade e formasaun avansadu, mak sai espetativa ba mandatu Reitor foun UNTL ne’ebe hetan tomada de Pose iha CCD, iha loron 18/1/2016, Reitor UNTL foun, Prof. Dr. Francisco Miquel Martins, ba Jornalista Radio Liberdade haktuir nia espetativa ne’ebe hakarak atinji durante nia mandate katak, “espetativa tenki dejenvolve instituisaun UNTL ne’ene ho dignidade, akademiku, nudar institusaun publika du estadu, instituisaun de formadora atu eleva kualidade e fo formasaun avansada elevada kualidade ba ita nia sidadaun Timorense sira ne‘ebe simu lideransa future nasaun nian tamba universidade do publika do estadu iha esperansa bo’ot para ita fo formasaun ida ke adekuada, elevada ba ita nia sidadaun sira.”

Iha fatin hanesan, Ministru Edukasaun, Antonio da Conceicao, iha intervista ho Jornalista sira haktuir Ministeriu nia planu atu koalia ho Reitor UNTL foun katak, “Ho Reitor foun atu haree ba funsionamentu UNTL ne’e rasik e ida ne’e mos liga ba estudantes foun sira ne’ebe agora dadauk atu hahu tama, ne’e permeiru prioridade ne’ebe mak atu hahu halo kontaktu ho Reitor e ida segundu mak hau mos sei iha enkontru ho Reitor atu haree konaba dezenvolvimentu institusional UNTL nian hanesan prioridade du Ministeriu atu haree liu jestaun iha administrasaun tamba kompetensias ne’ebe mak Ministeriu nian haree liu ba organizasaun da UNTL e mos hare konaba supervizaun ba aktividade UNTL ninian.”

“Tolu tenki haree mos planu de trabalhu ne’ebe maka Reitor nian hodi materializa politika sira ne’ebe mak ohin ha'u lansa konaba disiplina, boa jestaun iha UNTL ne’e rasik e mesmu tempu implementasaun regras ne’ebe maka tengki lori duni instituisaun publiku ida ne’e dignu atu nune’e bele fo garantia ba kualidade edukasaun nian,” dehan Ministre.