Korupsaun No DireitusH Umanus Iha Benang Merah Bo’ot

Dili, Radio Liberdade Online -Provedor Direitus Humanus no Justisa, Silveirio Pinto Baptista, iha loron 22/1/2016, iha  Tower Conference Hall, haktuir “Korupsaun no Direitus Humanus iha benang merah bo’ot.”

“Wainhira ita koalia kona ba korupsaun, se maka komete, ida ne’e so autoridade, e sira nia asaun sira ne’e halakon osan estadu, agora ita koalia kona ba direitus humanus,wainhira ema ida goja liu nia direitu ekonomisa no kultura, estadu tenki halo buat hot-hotu atu nune’e ema bele goja nia direitu, agora ema ida ne’e atu goja nia direitu,nia tenki hetan benefisiu ne’e mai husi estadu e husi orsamentu ne’ebe maka tinan tinan Parlamentu sira halo aprovasaun,”esklarese Silveiro.

Provedor ne’e agradese ba servisu CEPAD nian no fo hanoin mos kona ba papel husi sosiedade sivil nian katak, “hare husi saida maka CEPAD halo hanesan sosiedade sivil, hanesan NGO Nasional ida, hau hanoin katak se ita koalia iha politika rekonstrusaun de estadu, ita hanoin katak sosiedade sivil iha papel iha buat rua ida iha parte ba prevensaun ida iha parte ba advokasia.”