
Fonte foto : http://jabar.tribunnews.com/2015/05/01/
Dili, Radio Liberdade Online -“Preparasaun simu Xefi Estadu Indonesia tama fase finalijasaun de aktividae,” informa Ministru Negosiu Estranjeiru e Kooperasaun (MNEK), Hernani Coelho, iha salaun VIP Aero Portu Presidenti Nikolau Lobato, 23/1/2016.
Coelho esplika, “entermus de perparasaun, ita atu simu Shefi de Estadu, Republika Indonesia nian mai iha Timor, perparasaun hotu nestemomentu ami halo finalizasaun de aktividades, ami mai iha ne’e hamutuk ho sira husi Indonesia ninian, oras ne’e dadauk ekipa Indonesia nian iha ne’e dadauk ona, aban mos balu sei to’o, Segunda Feira mos Ministru Negosiu Estranjeiru Indonesia nian sei to’o mai iha ne’e , Presidenti Jokowi sei To’o iha ne’e iha 26 dader.”
Coelho hatutan, “vizita ne’ebe nia halo mak sei hasoru malu ho Presidenti da Republika no mos ho Primeiru Ministru, e depois sei iha aktividade seluk, ninian natureja ne’e seremonial, e depois husi ne’e mak nia foin fila fali ba Indonesia.”
“Ne’e duni, atu fo hatene deit katak tuir buat ne’ebe mak Guvernu fo sai ona, aktividade sei halao ho planu ne’ebe iha ona, perparasaun sira pronto hotu ona, husu ba partisipasaun komunidade tomak nian atu vijita ne’e, bele lao susesu,” dehan Coelho.
Observasaun Radio Liberdade nian, iha loron Sesta 22/1/2015, CO no Instituisaun du Estadu sira halao insayu ka gladi bersih ba perparasaun simu Presidenti da Republika Indonesia, insayu ne’ebe halao iha Aero Portu Internasional Presidenti Nikolau Lobato ne’e observa direitamente husi Ministru Negosiu Estranjeiru no Kooperasaun, Hernani Coelho no Ministru da Defeaa, Sirilo Cristovao.
