
Dili, Radio Liberdade Online -Relasiona ho vizita Presidente da Republika Indonesia, Joko Widodo mai Timor - Leste ne’ebe fo mos tempu balun ba vijita Merkadu Tradisional, Lecidere, iha loron 26 /1/2016 , reprejentante povu iha uma fukun Parlamentu Nasional, Vice Presidenti Parlamentu Nasional, Adriano do Nasimento, ba Jornalista Radio Liberdade, iha uma fukun Parlamentu Nasional, 27 /1/2016 konsedera katak, “PR Jokowi hatudu nia simplesidade ho vizita merkadu tradisional Lesidere.”
“Presidenti Jokowi, hatudu apresiasaun ba produtu lokal, tau importansia ba produtu lokal, ho ida ne’e nia hatudu mos katak besik ho povu,” dehan Adriano. Iha Merkado ne'e Presidente komunika ho sinhora faan aifuan no hetan responde ho lian bahasa Indonesia.
