Reforma Fiskal Labele Impede Dezenvolvimentu Ekonomiku

Dili, Radio Liberdade Online - Vice Ministro Finansas, Hélder Lopes,iha loron 28/1/2015, iha salaun MNEK, Pantai Kelapa, Dili, informa kona ba strutura reforma fiscal katak, “ita mos iha interministerial ne’ebe supervija lalaok servisu reforma fiscal ninian molok ita lori produtu sira ne’ebe produs husi Komisaun Reforma Fiskal ba Konselho Ministru no

ba Parlamentu Nasional, maijumenus ida ne’e mak ita haree husi ninia strutura de oinsa atu halo reforma fiscal, hare fali husi tamba sa mak ita halo reforma fiscal, ida ne’e ita liga ba buat tolu, primeiru kona ba politika, segundu kona ba lei, terseiru kona ba administrasaun, politika ne’ebe hau mensiona hau refere ba politika tributaria, ou politika ita nia mak saida, iha reforma fiscal ida ne’e, ita nia politika mak ne’e, hasae reseitas domestika maibe labele impede dejenvolvimentu ekonomiku no fo impaktu negative ne’ebe bo’ot ba ema kiak.”

Helder Lopes mos sublinha, “hasae reseitas domestika maibe reseitas tengki mai husi ekonomia, e reforma tengki fo benefisiu ba ema kiak, ne’e maka ninia politika, ne’e mak nia objective sira, agora atu halo reforma ida ne’e ita persija hadia lei lubuk ida, ita persija transforma politika ida ne’e ba esforsu ne’ebe real ne’ebe ita tengki tau iha lei, regulamentus, prosedimentus.”