Dili, Radio Liberdade Online - Vise Ministru Transporte e Komunikasaun, Inasio Moreira, iha nia sala servisu, Merkadu Lama, Dili, iha loron 1/2/2016, husu deskulpa ba atraju ne’ebe akontese relasiona ho operasaun ro Nakroma, “kondisaun em jeral ro nia, ne’ebe halo manutensaun, hau bele hatete diak, tamba makina sira hanesan fuan ba ro hodi halo ro ne’e lao, halo reparasaun, troka segimentu elementus bombasetora ninian, elementus injeksion ninian, halo inspesaun ha'u ba hare no koko makina ne’e, hein katak operasaun ba oin sei lao diak.”
Inasio mos informa kona ba kondisaun jeral ro Berlin Nakroma, katak em jeral rejultadu manutensaun bar o diak e agradese mos ba Timor oan ne’ebe hatama ro brakasa ida ba Timor hodi fasilita pasajeiru ho sasan todan ba Oecusse no Atauro.
Aleinde ne’e, Inasio mos informa kona ba atu hafasil servisu servi komunidade iha hetan lisensa lori transporte no hetan chapa matrikula, MOPTIK Kria Software ba hafasil asesu Chapa no Carta Condução no sei hahu utilija iha tinan ne’e.
