Dili, Radio Liberdade Online -“Kaer Presidenti Rotativa CPLP, Timor- Leste iha responsabilidade tau matan ba Guino Bisau,” relata Ministro dos Negócios Estrangeiros e Cooperação, Hernâni Coelho, ba Jornalista sira hafoin enkontru ho Presidenti da Republika, Taur Matan Ruak, iha Palacio Presidencial Nicolau Lobato, Aitarak Laran, Dili, iha loron 4/2/2016.
“Ita mak kaer Presidenti Rotativa CPLP ninian e iha rejolusaun xefi Estadu sira ne’ebe hasai iha Dili, iha pontu ida ne’ebe mak preve mos katak ita persija halo akompanhamentu situasaun iha Guino Bisau situasaun Guino Bisau naoe fasil, neste momentu situasaun difisil, tamba ne’e tuir ita nia responsabilidade, ita tenki ba duni,” dehan MNEK Hernâni.
Hatan ba perguntas Jornalista kona ba MNEK sei koalia asuntu saida iha engkontu sira iha Guino Bisau, MNEK Hernâni hatan, “Guino Bisau ne’e situasaun interna, ita sempre bajeia bajeia ba prinsipiu naun interferensia, ita ba, ita rona hodi intende lolos situsaun ne’ebe akontese iha Guino Bisau.”
MNEK Hernâni em prinsipiu hato’o mensajen katak, “hanesan pais irmaos, buat ne’ebe ita hein, mensajen ne’ebe Timor hakarak hato’o katak situasaun iha Guino Bisau iha estabilidade atu nune’e fo dalan, oportunidade ba progresu dejenvolvimentu iha Guino Bisau ninian.”
