Evita Moras Kangkru,  PN Husu Mediku Halo Sosializasaun 

Dili, Radio Liberdade Online - Relasiona Loron Mundial Kangkru ne’ebe mak monu iha loron 4 fulan Febreiru,  Parlamentu Nasional  husu ba Mediku sira halo sosializasaun ba ema sira ne’ebe mak moras kankru, dehan Deputadu Eladio Fakultu nudar membro komisaun F ne’ebe mak trata asuntu Saude,Eedukasaun, Desportu no Jeneru  ba Jornalista Radio Liberdade iha uma fukun Parlamentu Nasional  4/2/2016.

Membru komisaun F ne’e afirma liu tan katak Timor-Leste mos infrenta moras Kangkru as, e barak liu inan feto sira mak infrenta moras kangkru susun. 

Deputadu Eladio esklase mos katak  populasaun sira ne’ebe mak moris iha area rural sei menus informasaun konaba  moras kangkru hodi  nune inan feton sirabarak mak  infrenta moras refere.

Hatan ba kestaun husi Parlamentu Nasional, Doutor Herculano seixas dos santos hateten los katak  Komunidade barak mak seidauk  iha kuinesementu ba moras kangkru  tanba ne’e dala barak paseinte  mai ho estadiun avansadu.

Herculano afirma liu tan katak durante ne’e Ministeriu Saude servisu hamutuk ho NGO Haliku  halo  ona sosializasaun ba komunidade  iha munisipio sira  konaba detensaun sedu ba kangkru  e nune’e mos sosializasaun hahu tinan 2015 kontinua nafatin , HNGV  halo  diagnostika sedu no operasaun  maibe tratamentu kemotarapy ne halo iha liur.