Dili, Radio Liberdade Online - Relasiona ho sistema makina print prepagu EDTL lao ladun diak iha loron Dominggu 14/2/2016 tamba suratahan atu print numeru perpagu la iha, konsumedores Joao Do Nasimento afirma ba Jornalista Radio Liberdade iha uma fukun Parlamentu Nasional iha loron 15/2/16 katak, “hau hanoin sistema kontrolu iha EDTL rasik ladun maksimu entaun nia prejudika hela konsumidores, Parlamentu kada tinan volume osamentu bo’ot, tamba sa mak iha parte logistik ninian ne’e la prepara suratan print numeru perpagu ninian para konsumedores sira bele uja .”
Nune’e reprejentante povu iha uma fukn Parlamentu Nasional, Vice Presidenti Parlamentu Nasional, Adriano do Nasimentu, husu ba Governu atu antisipa no lalika halo povu sai vitima.
”Governu tenke hare buat sira ne no antisipa se ita uja perpagu depois ema atu sosa la iha, ne’e mos ema nia intrese lakon ou halo bisnis ruma karik problema ema lakon hira, tamba ne’e mak hau hanoin ida ne’e mos hanesan la bele husik povu sofre tamba la iha deit preparasaun no antisipasaun husi Governu ,” husu Deputadu ne’e.
