Dili, Radio Liberdade Online - Universidade Dili (UNDIL), dadaun ne’e iha ona sala aula ne’ebe sufisiente hodi hala’o prosesu aprendizajem ba estudante foun sira ne’ebe ho total 1.700.
Lia hirak ne’e haktuir husi Reitor UNDIL, Estevão DA Costa Belo, ba jornalista sira Segunda Feira 15/02/16, ne’e iha nia knar fatin.
Reitor akresenta liu tan iha Universidade Dili, dadaun ne’e, dosente sira uja ona lian Ofisial hodi hanorin estudantes sira iha prosesu aprendizajen no dosente sira obgratoriu hodi tuir kursu lian Portugés.
“Agora dadauk ami nia dosente sira iha ne’e, obrgatoriu tuir kursu lian portugués hodi nune’e sira bele hanorin estudante sira” Tenik Reitor.
Iha fatin hanesan prezindeti komisaun simu estudante foun, Amelia do Santos de Jesus, hateten durante ne’e, UNDIL rejistu ona estudante hamutuk 1.700 maibe total estudante ne’ebe mak halo ona reinskrisaun seidauk to’o total ne’ebe iha.
Dadaun ne’e Universidade Dili, iha Fakuldade ne’en, mak hanesan Direitu, Ekonomia, Edukasaun, Enjenaria, Saude, no siensia Politika no iha Departamentu hamutuk 13.
