Delimitasaun Fronteira Marítimas Sai Prioridade Nasional Ba TL

 

 

Dili, Radio Liberdade Online : Primeiru Ministru, Rui Maria Araújo, Afirma  Delimitasaun Fronteira Marítimas sai  prioridade  ba guvernu  Timor-Leste hodi diskuti ho nasaun viziñu Indonézia no Australia tamba asuntru ne’e importante hodi  kompleta  TL nia soberania.

 Xefe guvernu hato’o afirmasaun ne’e, bainhira partisipa iha lansamentu website ofisíal gabinete Fornteiras Marítimas,  segunda Feira 29/2/16/ iha Palasiu do Guvernu.

 Xefe estadu iha nia diskursu akresenta liu tan,  TL konsege hase’es -an hosi estadu frazíl  no  dezenvolvimentu lao makaas iha area oioin maibe dezenvolvimentu ne’e la kompletu wainhira  seidauk difine lolos  fronteira Maritímas.

 “Ita konsege hasees an hosi estadu frazil ita nia dezenvolvimentu makaas iha area oioin. Maibe ita nia dezenvolvimentu ne’e la kompletu wainhira ita la konsege revindika kompletamente ita nia soberania ne’e, hanesan ita boot sira hatene fronteiras maritima bainhira rai boot rua Indonesia ho Australia , tanba ita seidauk define ita nia areas fronteiras maritiíma ne’e ho lolos  parte soberania ita nian ba too iha ne’ebe no sira nian maka to’o iha ne’ebe” Tenik Rui Araújo

 Xefe Guvernu sublina to’o agora hakat ona ba positive balun entre governu Timor -Leste ho Indonesia konkorda tiha ona kona-ba negosiasaun intermus fronteiras maritimas fo baze ba direitu internasional.

 “iha fulan kotuk liu ba halo ona konkordansia ho governu Indonesia no to’o iha fulan janeiru governu Indonesia mai visita direta iha timor-leste I halo konkordansia para dudu prosesu ne’e ba oin” tenik Xefe estadu.

 Entertatu iha website ne’e apresenta konabá istoria Timor-Leste konaba lei Internasional Maritíma  no inklui mapa tasi Timor no dadus sira ne’ebé mak relevante.

 Website  www. Gfm.tl ne’e ofisialmente lansa husi Primeiru Ministru  no negosiador prinsipal fronteiras maritímas  nian, Kay Rala Xanana Gusmão

 Iha Fevereiru 23 foin lalais ne’e ema kuaze rehin ida resin ne’ebé kompostu husi juventude, veteranu, estudante no ativista sira halo asaun pasifíku ida iha Embaisada Australia nia oin hodi azije Australia atu respeitu povu Timor-Leste nia direitu no soberania país ne’e nian.

Iha fulan Janeiru Prime Ministru Rui Maria de Araujo haruka karta ofisiál ida ba Governu Australia atu hahú ko’alia kona-ba negosiasaun fronteira maritime rai rua ne’e nian, maibé to’o agora laiha resposta ruma husi Governu Australia.