Dili, Radio Liberdade Online_Atu elimina moras Ain-Potis, Framboezia no kontrola Lumbriga iha Timor Leste, Ministeriu Saude iha politika atu implementa programa fahe ai-moruk masal, tamba ne’e MS liu husi Gabinete Diretur Geral Prestasaun de Saude hamutuk ho Organijasaun Mundial Saude organija work shop hodi divulga informasaun ba komunidade kona ba importansia no benefisiu implementa programa fahe ai-moruk masal, iha salaun konferensia, Hotel Timor, Dili, iha loron 29/1/2016.
Horasio Sarmento, Direitur Nasional Ambulancia isplika objective husi work shop, “hatutan informasaun ba iha komunidade sira, para sira labele tauk simu ai-moruk ida ne’e, tamba ita nia metas atu eradika moras ida ne’e iha 2020.”
Sarmento haktuir katak implementasaun programa ne’e hahu kedas tinan kotuk iha distritu 4, implementasaun para tamba lamentasaun balun husi komunidade.
Aleinde ne’e, Sarmento mos haktuir katak ai-moruk ne’ebe MS fahe ba komunidade atu bele prevene no kura moras Ain-Potis, Framboezia no infesaun lumbriga
Iha fatin hanesan Paulino Pinto, Konsultan Nasional, MS, isplika kona ba moras infesaun lumbriga no FilariasisLynfatiku ka kuineshidu ho naran Ai-potis hanesan infesaun parasite neebe hadaet liu husi susuk tata.
Infesaun kauza abnormal iha isin lolon, estraga isin parte balun sai potis, no maioria akontese iha ain, ba mane nian isin lukik, moras todan kleur hetan disabilidade, permanente, ikus hamosu estigmatizasaun sosial.
Paulino hatutan moras ne’e bele prevene no kura liu husi tratamentu massal tama ba populasaun hotu ne’ebe ho risku ou municipio sira ho endemiku fo hemu ai-moruk dozeida ho oin 2 iha tinan ida dala ida, durante tinan 5 nia laran no kontrola vetor susuk.
