Dili, Radio Liberdade Online; Membru konsellu Imprensa (KI) hili, Virgilio Guterres, sai prezidente ba dahuluk periode tinan 2016-2020 hodi tau matan ba serbisu media nian iha Timor-Leste.
Prezidenti eleitu KI, Virgilho Guterres, iha nia entrevista hateten, ba oin sei garante independensia media iha Timor-Leste no ekoraza media nain sira atu garante indepedensia ekonomikamente ba jornalista sira ne’ebé maka servisu ba instiitusaun refere.
Nia mos sita sei husu ba Ministériu Públiku atu uja lei komunikasaun sosial hodi julga ba sala ne’ebe orgaun komunikasaun sosial sira halo.
“buat ne’ebe ami hanoin atu halo mak, ami hakarak atu guvernu tantu sei deit, uja lei komunikasaun sosial, bainhira halo julgamentu ba orgaun komunikasaun sosial tantu jornalista sira tamba kazu laos intensaun husi jornalista sira nian maibe fallansu umanu (Kelalaian) ” tenik Prezidenti Eleitu
Iha parte seluk Sekretáriu Estadu Komunikasaun sosial, Nelio Isaac Sarmento, hateten sei fo konfiansa tomak ba konsellu imprensa hodi garante liberdade imprensa iha Timor-Leste.
Nia hateten SEKOMS, hanesan orgaun polítika atu kria kondisaun no fasilidade ba serbisu orgaun komunikasaun sosial, laos atu deside orgaun komunikasaun sosial ne’ebé halo violasaun ba liberdade imprensa.
“Dadaun ne’e iha ona regulador ba oin bainhira públiku ladun satifas ho produtu husi orgaun komunikasaun sosial sira , KI iha ona, ida ne’e mak dalan lolos laos halai fali ba SEKOMS ” tenik Nelio Isaac, Kinta feira, 31/3/2016, iha Ex CNE Dili.
Alem ida ne’e, Nelio Isaac, informa Tomada de posse ba membru Konsellu Imprensa sei hala’o iha fulan Abril tinan 2016.
