Radio Liberdade Online - Atu fo apresiasaun ba Obra Jornalista sira nian iha Timor-Leste, Asosiasaun Jornalista Timor-Leste (AJTL) halao kompetisaun ka Award ho naran Balibo 5 Award iha tinan 2016 nia laran, ho kategoria 8,no rejultadu husi Midia Award ne’e fo sai iha loron 2/4/3016, iha salaun Delta Nova.
Iha nia deskursu, Presidenti Asosiasaun Jornalista Timor -Leste, David Hugo haktuir katak Midia Award ba tinan 2016 nudar Midia Award ne’ebe halao ba dala tolu hodi fo apresisaun ba servisu jornalista nian.
“Midia Award, naran balibo Five, ba tinan ida ne’e ba da ala tolu, objective mak apresia obra ne’ebe Jornalista sira halo iha sira nia servisu, atu nune’e bele haforsa liutan sira nia kwalidade servisu hodi hatudu katak sira professional iha halao sira nia servisu,” dehan David.
Ekipa Juri ba Midia Award ne’e husu ba AJTL atu bele garante Midia Award ne ba oin lao ho diak liutan, “atu bele garante Midia Award ne ba oin ho diak, ho prestiju ne’ebe diak, no garante prestiju diak liutan maka Midia Award tuir mai kongkorentis sira persija aumentatan.”
Iha fatin hanesan, Eis Presidenti da Republika, nudar mos Memru AJTL, Jose Ramos Horta mos hato’o parabeins ba jornalista ne’ebe hetan valor diak no simu premiu no hato’o mos parabeins ba inisiativa AJTL nian ba realijasaun Midia Award.
Ida ne’ebe sai Best Of The Best mak Prisilia Fonseca husi RTTL .
Partisipa iha publikasaun rejultadu Midia Award ne’e, Eis Presidenti da Republika Jose Ramos Horta, Permeira Dama, Isabel Ferreira, Reprejentante Casa Sivil Presidenti da Republika, Sebastiao, Presidenti Conselho Imprensa, Korpu Diplomatiku, Reprejentante Asosiasaun Jornalista Independen Indonesia (AJI), Fundador AJTL, Direitur Instituisaun Estadu, Direitur Instituisaun Midia no Jornalista sira.
Midia Award ne'e suporta husi Sekertariu Estadu Komunikasaun Sosial, Jornal Mata Dalan, Tafara, TvE, Gabinete Permeira Dama, Ministeriu Obras Publika, Ministeriu Turismu, Timor Post, TLMDC no seluktan
