Dili, Radio Liberdaade Online_“Banda Mujika The Kraken espera mujika Saude Reprodutiva bele fo mensajen diak,” haktuir Natalino Fernandes Ximenes, Mujikus husi Banda Mujika The Kraken.
“Ami koko hakerek mujika ida ne’e, bainhira hetan informasaun husi internet katak Marie Stopes halo kooperasaun ho Radio Lorico, sira loke kompetisaun kona ba hakerek mujika ho nia titlu mak Saude Reprodutiva no Planeamentu Familiar, tamba ne’e maka bainhira rona informasaun ne’e, ami iha interese tuir kompetisaun ne’e, tamba ami iha Banda, tamba koalia kona ba Planeamentu Familiar no Saude Reprodutiva, ida ne’e liga ba kontekstu Timor Problema seriu problema ne’ebe bo’ot, tamba ne’e nudar mujikus ami espresa ami nia sentimentu, ami fiar katak ho mujika ne’ebe ami hakerek ida ne’e bele fo inspirasaun ba sira ne’ebe atu hari uma kain katak ho mujika ida ne’e bele fo mensajen diak,” espera Natalino.
Natalinho orogulhu nia Banda bele manan iha Kompetisaun Konsertu Mujika, “ohin loron aami konsege sai hanesan vensedor ba kompetisaun ida ne’e , ida ne’e laos ami nia esforsu mesak maibe tamba kontribuisaun no ideas husi komunidade baarak.”
