Dili, Radio Liberdade Online - Ministériu Obras Públika Transporte no Komunikasaun (MOPTK) iha tinan ida sei halo foun fali sapa matríkula ba sira ne’ebe oras ne’e dadaun hala’o hela sirkulasaun iha Timor-Leste.
Informasaun ne’e hato’o husi Vise Ministru MOPTK, Inacio Moreira, ba Jornalista sira hafoin partisipa iha seremonia Marsa da Familia iha loron Sabadu, iha Largo Licidere.
Vise Ministru haktuir oras ne’e dadaun sei halo hela prosesu aprovisionamentu ba empreza sira ne’ebe mak hakarak oferese nia mákina hodi halo fali sapa veíkulu sira no Minitériu fo ona deadline ba empreza to’o fulan rua nia laran to’o iha loron 30 fulan Jullu tinan ida ne’e.
“Agora iha hela prosesu aprovizionamentu ba emprezariu sira no nia deadline to’o fulan rua,” tenik Inacio Moreira.
Nia hateten hafoin halo foun fali sapa matríkula ba veíkulu hotu-hotu tantu husi Guvernu sei uja sapa tuir medída ne’e mak aprova husi Minitériu relevante.
“ita tenki normaliza sapa martrikula hotu-hotu ema ida labele tuir hakarak, alem ida ami mos hanoin hela, atu instuituisaun hotu tantu Diplomata, inklui Parlamentu Nasional no mos PDHJ sira nia sapa matríkula tenki tuir padraun foun ne’ebe iha,” tenik Moreira.
Iha parte seluk Governante ne’e mos husu ba kompania sira atu labele halo tan sapa matríkula tuir idak-idak nia hakarak.
Maske nune’e Governante ne’e rekoñese serbisu husi MOPTK relasiona ho sapa matrikúla nian ne’ebe mak sei uja surat tahan ho nune’e Minitériu relevante oras ne’e dadaun serbisu maka’as hodi resolve problema refere.
