Mninistrus Defeza Hala’o Reuniaun Regular Ba Dala VIII Ho Delegasaun CPLP

Dili, Radio Liberdade Online_Mninistrus Defeza hala’o enkontru ho Menbru Delegasaun Direitor Jeral Ministeriu Defeza nian  husi Comunidade Paises da Lingua Portuguesa (CPLP)  ba dala walu  hodi koalia konaba dezemvolvimentu  koperasaun iha Ministeriu Defeza nian ne’ebe hare liu ba area tekniku nian, enkontru ne’e mos hanesan reuniaun regular hodi hare konaba ajenda no dokumentu ne’ebe ipmortante  ba setor Defeza nian.

Asuntu ne’e informa husi Diretor Nasional Planeamento Estrategiku Politiku Internasional, ba Ministru Defeza Martinho Maia Gonsalves, ba Jornalista sira  kuarta feira semana ne’e iha Quartel Jeral F-FDTL Fatuhada Dili.

Director ne’e haforsa liu tan katak, reuniaun ida ohin ba dala ualu, tanba reuniaun ne’e hahu iha Timor-Leste iha tinan 2008.

Director ne’e aumenta tan katak, enkontru refere ho objetivu atu kapasita diak liu tan  rekursus humanus hanesan Forsas sira iha Timor-Leste, tanba nee tenke koopera hamutuk ho CPLP.

Ikus liu Director ne’e hateten husi enkontru ne’e  sira mos prepara asuntu neebe importante atu nunee hatudu ba Ministru atu bele aprova aktas hirak neebe mak sira diskuti hamutuk ona.

Tuir ajenda aban, 19/5/2016 sei iha reunaun ba dala sanolu resin hitu entre Ministru Defeza CPLP  nian.