PM Informa ba PR Sobre Aspeitu Dejenvolvimentu Ekonomiku Ho Investimentu Iha Timor

Dili, Radio Liberdade Online_Primeiru Ministru Timor-Leste Dr. Rui Maria de Araújo hala’o enkontru ho Prezidente Repúblika Timor-Leste hodi ko’alia kona-ba serbisu governu nian, inklui aspetu dezenvolvimentu ekonómiku no investimentu iha Timor-Leste, relasiona ho konferénsia Intrenasionál ne’ebé hala’o foin lalais ho investór sira. Enkontru ne’e hala’o iha fulan ne’e, iha Palásiu Prezidenti Aitarak-Laran-Díli. 

“informa ba Presidenti kona ba aspeitu balu iha dejenvolvimentu ekonomiku ho investimentu Timor ninian, iha Segunda feira liu ba ita halo konferensia internasional ida investidores sira nian ho partisipasaun investidores lubuk ida, Governu hato’o ona ambiente investimentu ninian ne’ebe Governu durante ne’e buka esforsa atu hadia e iha vontade diak husi potensiais investidores sira atu hare oinsa sira mos hahu halo investimentu barak liu iha Timor Leste,” informa PM.

Xefe Governu ne’e hatutan, investimentu ne’ebé halo iha portu Tibar entre Governu ho Investór sira hatudu sinál ne’ebé pozitivu tebes, hodi bele loke tan oportunidade ne’ebé barak liu tan ba investór sira atu bele investe.