Dili, Radio Liberdade Online_Atu suporta hakbiit kapasidade no aktividade Radio Komunidade sira, Governu liu husi Secretário de Estado da Comunicação Social ne’ebe sai hanesan parseiru Radio Komunidade nian iha area Komunikasaun Sosial, asina akordu apoiu Radio Komunidade 19, iha loron Sesta, 10/6/2016, iha salaun Auditorium PCM, Palasio Governu.
Secretário de Estado da Comunicação Social, Nélio Isaac Sarmento, haktuir katak politika Governu nian liu husi Secretário de Estado da Comunicação Social (SECOMS) apoiu orsamentu Fundus Traferensia Publika (FTP) ba Radio Komunidade atu bele hakbiit kapasidade no aktividade Radio Komunidade sira.
Secretário de Estado da Comunicação Social, sublinha mos katak Fundu Tranferensia Publiku ne’ebe mak fo bajeia ba proposta husi Radio Komunidade ida idak ne’ebe mak tama ba Diresaun Centru Radio Komunidade.
Jestor Radio Komunidade Lian Matebian Baucau, Santi Belo dehan katak fundu transferensia publiku iha, bele tulun aktividade Radio Komunidade iha baje.
