Dili, Radio Liberdadeonline – Iha loron 13 Junho 2016, Prezidênsia Repúblika simu Decreto do Parlamento Nacional n.˚ 27/III- Lei dos Sucos. Lei refere estabelese normas organizasaun, kompetensia nomos funsionamentu ba sukus sira.
Liu husi Lei ida ne’e mak estabelese regras hirak kona-ba oin nusa halo eleisaun direta ba Xefe Suku sira iha Timor-Leste, inklui hatúr provizaun hirak ne’ebé regula kona-ba kompetensia ba Konsellu Sukus sira, mandatu ba Xefe Sukus sira ne’ebé sei eleitu ba tinan Hitu (7) no bele renova ba dala ida tan.
Haktur ba komunikadu imprensa ne'e radio liberdade asesu katak Lei dos Sucos mós define kona-ba oin nusa halo designasaun ba membrus Órgauns Sukus sira ne’ebé sei halo mós eleisaun ba delegadus Aldeias ba Konsellu Sukus sira nian.
Xefe Aldeias sira sei eleitu liu husi Asembleia de Aldea, sufrájiu, universal, livre no direto, secreto e pessoal. Nune’e Xefe Aldeias sira sei la eleitu direta husi povu maibe liu husi Asembleia de Aldea. Sua Excelênsia Prezidente Repúblika, Taur Matan Ruak promulga tiha ona Lei dos Sucos iha loron 05 Julho 2016, no haruka tiha ona Lei ne’e ba Parlamentu Nasional iha loron ne’e kedas.
