Dili, Radio Liberdade Online_Liu husi formasaun para halo profisionalizasaun Guarda Prizional atu servisu profisional liu, hodi halao sira nia funsaun ho diak, informa Helder Cosme Marcal Belo nudar Director Nasional Servisu Prizonais, Ministeriu Justica ba Jornalista Radio Liberdade, iha edifisiu Centru Formasaun Judisiariu, Caicoli, Dili, 20/7/2016.
“Treinamentu ida ne’e baze ne’e katak iha dekretu Lei 38/2012 konaba kapasitasaun rekursu humanus e administrasaun publiku kada funsionariu iha direitu no dever minimu 40 anos por ano hodi ida ne’e ami konformi planu asaun annual Diresaun Nasional Servisu Prizionais liu husi fundu dezenvolvementu capital humanu aloka osamentu para fo formasaun ba Guarda Prizional, objectivu para halo profisionalizasaun Guarda Prizional para atu servisu Profisional liu hodi halao sira nia funsaun ho diak .”
Director Nasional Servisu Prizonais ne’e afirma liu tan katak Guarda Prizional sira hetan formasaun husi formador integradu sira.
“Formador Integradu husi Sosiadade Sivil, Hospital, Ministeriu Publiku, Linha Ministeriu hato’o material sira ne’ebe mak atu profisionalizasaun Guarda Prizional para atu sai profisional hodi halao sira nia knar nudar Guarda Prizional hodi asegura siguransa prizional no rinsersaun sosial iha ita nia Prizaun Timor-Leste.”
