Hare Ba Dezenvolvimentu Labarik Ki'ik, UNICEF Iha Programa Malntrisaun

Dili, Radio Liberdade Online - Secretario de Estado da Comunicacao Social SECOMS servisu hamutuk ho UNICEF Timor-Leste realija Media Interface, iha salaun JL.Villa, iha loron Quinta, 28/7/2016 ho objetivu atu fahe informasaun kooperasaun Governo Timor-Leste ho UNICEF Timor-Leste liu liu kona ba Dejenvolvimentu Labarik Ki’ik ou DLK, idade 0 to’o 8 iha Timor-Leste.


Sandra, husi Diresaun Edukasaun UNICEF, haktuir UNICEF nia  preokupasaun no husu ba Governu e familia no instituisaun relevante sira seluk atu investe sedu ba labarik, katak, “Pre Eskolar laos atu hanorin deit sira le’e no hakerek, lae, Pre Eskolar ne’e hanorin abilidade barak ba sira hanesan halo nusa mak sira kuidadu sira nia isin, halo nusa mak sira kose nehan, halo nusa mak sira ajuda inan aman iha uma, halo nusa mak respeita malu, halo nusa mak sira halimar iha ambiente ne’ebe kapas, halo nusa mak professor sira kuida sira e sira kuida malu iha ne’eba, laiha violensia, estimulasaun sira ne’e mak tenkeser iha, iha labarik sira, desde ki’ik oan, ne’e para impaktu ne’e maka’as iha future, selae Goverbo sei investe buat barak liutan iha future tamba laiha investe sedu iha labarik sira. Ida ne’e mak UNICEF nia preokupasaun bo’ot e UNICEF halo intervensaun ba ida ne’e.”

Sandra mos haktuir UNICEF nia esperansa bo’ot tebes ba susesu katak, “ agora ne’e ami halo advokasia dejenvolvimentu labarik ki’ik 0 to’o 8 anos, hanesan inisial.” Tamba ne’e sei halo servisu hamutuk barak mos ho midia sira.

Wainhira Jornalista Radio Liberdade konfirma kona ba saida mak UNICEF halo atu fo protesaun ba labarik sira iha Timor Leste relasiona ho relatoriu Ministeriu Saude nian ne’ebe mensiona maiz ou menus 50% labarik sira hetan malnutrisaun iha TL, Sandra hatan katak, “ UNICEF iha ninia programa atu hamenus mal nutrisaun ne’ene, hetan mos suporta husi Uniao Europea no servisu hamutuk ho Ministeriu Saude kona ba  malnutrisaun, ida mak hanesan, fo hahan par abele hadia malnutrisaun hanesan kacang kacang ne’e, no mos iha edukasaun ba inan aman halo nusa mak kuida labarik sira desde 0 ano ate 8 ano, husi kedang inisiu, tamba ida ne’e mos bele fo impaktu ba labarik sira hanesan todan menus, se ita la fo importansia ba ida ne’e, entaun bele iha malnutrisaun ikus nian inkresimentu.”