TL Iha Ona Sentru Atu Prevene Moras Fistulas

Radio, online - Ministeriu da Saude  servisu hamutuk ho ONG Internasional UNFPA organiza  Workshop ho tema “Asistensia Partu Ne’ebe Mos no Seguru Bele Prevene Moras Fistula Obstetrika”. Moras fistulas identik fo feto, ho servisu hamutuk ne'e hari ona sentru ba moras fistulas iha HNGV. Workshop ne’e halao iha edifisiu Hospital Nasional Guido Valadares (HNGV) Bidau Toko Baru, Dili Tersa, (23/8).

Vice Ministra Saude Madalena Hanjam hateten , workshop ne’e importante tebes atu oinsa prevene moras Fistulas ne’ebe  feto maluk sira infrenta.

Madalena informa liu husi operasaun ne’e la selu maibe uluk halao operasaun iha rai liur Indonesia No Singapura  governu selu ho orsamentu nebe bo’ot tebes tamba ne’e agora iha ona Doutor espesial atu opera ba feto maluks sira nebe hetan moras Fistula.

Iha workshop ne’e mos Vice Ministra Saude Madalena husu ba infermeira no infermeiru Timor  oan ne’ebe  servisu hamutuk ho Doutor espesial husi rai liur ne’e bele servisu diak liu tan atu oinsa bele prevene moras fistula .

"Ita nia inan feton sira infrenta .fatin atu opera ba iha moras fistula ne’e laos iha Distrito Dili deit maibiha  mos iha  distrito 13,” Vice Saude ne’e fo sai.

Iha parte seluk Director De Infermagem Jose Paixao  Da Silva Soares  hateten, moras fistula hanesan problema iha saude publiku nian ne’ebe mak  infrenta  husi  nasaun ne’ebe laos dezenvolvido maibe  nasun ne’ebe mak  foin dezenvolve an  hanesan TL.

“Ita nia nia inan feton sira winhira hetan moras fistula lalika tau ba kedas sentru saude hodi informa atu nune’e hetan tratamentu husi infermeirus sira,”nia apela.

Jose Paixao  hatutanm, operasaun ba moras fistula ne’e laos foin mak  halao maibe halao kleur ona no hetan asesu ba inan  hamutuk nain rua nolu  (20)  ne’ebe susesu ba operasaun. Tamba ne’e  nia husu ba UNFPA Programa  ida ne’e atu kontinua no bo’ot liu tan  atu nune’e bele  hetan atendementu ne’ebe diak komunidade iha nasaun ne’e liliu ba feto Timor.

Programa ida ne’e hetan apoius mai husi UNFPA.  Apoiu fo liu husi advokasia, treinamentu ba infermeira no infermeiru sira, material no ekipamantus  ba HNGV  no mos apoius  finanseirus.