
Prezidenti eleitu Francisco Guiterres “Lu Olo” ofisialmente hato’o agradese ba povu Timor-Leste ne’ebé fó ona konfiansa ba nia hodi sai hanesan Prezidenti Repúblika Timor-Leste nian iha periodu tinan 2017-2022
Maske Lu Olo hanesan prezidenti dahuluk ne’ebe kandidatu mai husi Partidu hafoin Timor-Leste restaura nia independénsia maibe nia promete katak sei sai Prezidenti ba povu tomak .
“imi nia hakarak mak Lu Olo sai Prezidenti Repúblika , Prezidenti ba povu tomak, maske ita lao ketak-ketak maibe ita tenki hanoin ba ita nia nasaun, ita nia patria no ita nia estadu hodi hametin demokrásia no hodi halo dezemvolvimentu ida ne’ebe forti hodi povu nafatin fo konfiansa, a minha vitória é um inicío de uma nova luta, luta, vitoria la hotu ho Lu Olo ba tur iha Ai-tarak_laran, maibe ita nia luta tenki lao nafatin hodi dezemvolve nasaun ida ne’e ” Tenik Lu Olo iha Cede Comité Central Fretilin (CCF), sabadu 25/3/17 iha seremonia agradesementu ba vitoria ne’ebe nia hetan.
Molok ne’e Lu Olo mos kandidata an ba dala rua ona iha tinan 2007 no 2012 maibe nia lakon iha segunda volta.
Maske nune’e nia la lakon esperansa, liu husi debate ne’ebe hala’o iha salaun CNE loron 17 fulan Marsu molok eleisaun, Lu Ol,o fo sai ba povu tomak katak durante tinan 24 nia partisipa iha luta ikus mai Timor-Leste ukun an duni no nia kontinua luta hodi liberta povu husi kiak no mukit.
Iha tinan ida ne’e nia realiza duni nia mehi lia husi povu nia dezisaun nia hetan votus porsentu 57% entre kandidatu nai’n walu iha Premeira volta.
