SEPI Ko’opera ho UNTL Promove Igualdade Generu

Radio, online – Governu, liu husi Sekertaria Estado Promosaun Igualdade (SEPI) servisu  hamutuk ho Univerisdade Nasional Timor Lorosa’e (UNTL) hodi asina Memorandum of Understanding (MoU) iha area Promosau Igualdade Generu.

Seremonia asina MoU ne’e halao iha Gabinete Sekertaria Estado Promosaun Igualdade, Palasio Governu Sesta, (23/9/).

Sekretaria Estado Promosaun Igualdade  (SEPI), Idelta Maria Rodrigues ba jornalistaa , asina akordo ne’e atu hametin liu tan  ko’operasaun  entre SEPI ho UNTL iha area promosaun Igualdade generu.

Sekretaria Idelta afirma liutan, parseira ida ne’e hahu finalmente ohin finalisa akordo ne’ebe ofisialmente UNTL ho SEPI halao ne’e iha area ne’ebe importante tebes ba komitmentu ba estado tomak liliu mos ba  estudante UNTL ne’ebe  servisu iha area promosaun igualdade generu.

Sekretaria Idelta dehan, UNTL hanesan akademiku ida nebe matenek, tamba ne’e  importante tebes  atu reforsa fortifika liu tan atu oinsa sensibilisia programa igualdade generu ba iha programa sira ne’ebe sei halao estudus iha UNTL .

Idelta salienta liu tan, iha akordo ne’’e, area hirak nebe identifika mak hanesan atu halo peskiza imparserial hamutuk liliu atu dezenvolvimentu koinhesementu ba iha area generu nia ,oinsa mak bele hari mos estudu  generu iha UNTL. SEPI hetan informasaun husi Reitor UNTL katak , dosentes barak mak foti kursu ba iha area promosaun igualdade generu.

Iha sorin Reitor UNTL, Aurelio Gutteres  hateten, akordo ohin hanesan marka pasu foun ida, liliu iha area importante jestaun de generu SEPI -UNTL  atu servisu hamutuk.

Aurelio promete katak, UNTL prontu oinsa atu bok dadauk buat ruma neebe bele bok liliu iha area ne’ebe peskiza formasaun , treinamnetu no mos iha estudu akademika kontinuasaun iha kooperasaun ho apaoiu tekniku husi parte seluk.