Juventude CTVF 101 Hetan Graduasaun

Radio, online - Centru Treinamentu Vizaun Foinsa’e Dili  Timor Leste (CTVF), halao seremonia graduasaun ba estudante periodu III (Tolu) ho total partisipantes hamutuk   ema nain 101,vne’ebe remata ona  sira nia formasaun iha area  Administrasaun  no ospitalidade.

Seremonia graduasaun ne’e halao iha salaun Centru Vizaun Foin Sa’e Tersa, (15/11), Kaikoli, Dili.

Manager Centro Treinamentu Vizaun Foin Sa’e Timor Leste, Francisco Cancio Guterres ba radioliberdadedili.com hateten, estudante sira ne’ebe ohin simu graduasaun ne’e tuir treinamentu durante fulan  Haat iha area rua  mak hanesan  Administrasaun no ospitalidade.

Francisco esplika liutan, estudante sira ne’e depois treinamentu durante fulan rua  sira mos ba estagiu iha  ministeriu ou instituisaun governu, NGO Nasional ka Internasional no kompanha

Manager Centru Foin Sa’e ne’e hatutan, durante estudante sira tuir treinamentu  lao ho diak tamba  husi centru foin sa’e mos iha fasilidade ne’ebe subsiente atu atende sira no mestri sira ne’ebe hanorin iha fatin refere mos lao ho diak tamba mestri    no estudante rasik iha computer ida-idak.

Iha periodu III (tolu) ne’e Centro Foin sa’e hetan ajuda husi Ministeriu Turismu Comercio Indistria  no Sekretariu Estado Promosaun Professional liu husi dirasaun nasional professional emprego.

Fatima Viegas Lemos nudar estudante ne’ebe hetan  kualidade diak  hateten katak, material ne’ebe durante fulan hat nia laran estuda no fo valor mak hanesan iha area admistrasaun no ospitalidade, komunikasaun no komputer.

Fatima Viegas hateten katak, banhira sira tuir treinamentu ne’e mos hetan difikuldade hanesan komputador ne’ebe  la subsiente ba estudante sira tamba ne’e  banhira ai tama iha aula sei hein malu.

Durante tuir treimanetu hetan difikuldade barak maibe nia rasik sente kontente tamba liu husi centru treinamentu ne’e bele kapasita juventude sira skill.

Tamba ne’e nia hameno ba maluk juventude sira  tenki haka’as an atu indepedenti  rasik no tenki aproveita tempu ne’e hodi buka servisu rasik.