Timor Oan 48 Hetan Graduasaun Husi UNMIT

Radio online - Kapasitasaun Timor oan komesa avansa. Iha organizasaun Internasional hanesan ONU liu husi misaun integradu  nasoens unidas iha Timor- Leste (UNMIT) halao gradusaun ba Timor oan nain 48. Graduadu sira ne’e servisu iha area administrative,tradusaun, interpretasaun nomos peskizador.

Selebra graduasaun grupu primeiru ne’e halao iha loron Sesta, (10/6) iha Quartel Jeral UNMIT, Obrigadu Barack, Kaikol-Dili. Pesoal nain 48 ne’e hetan graduasaun tanba kompleta rekizitu hotu. Liu husi graduasaun ne’e fahe mos sertifikadu.

“Ita bo’ot sira nudar pioneiru’’ dehan reprezentante espesial ba sekretariu jeral ba Nasoens  Unidas nian iha Timor- Leste,(SRSG), Ameerah Haq. Ameerah hatutan, iha serimonia graduasaun misaun ONU  dahuluk nebe implementa programa abranjente ida ba  dezenvolvimentu  profisional pesoal nasional sira.

“Ita bo’ot nudar pesoal dahuluk nebee  liu ona kursu oioin hodi tuir graduasaun ne’e. Iha faze dahuluk ba programa sertifikasaun pesoal nasional nia rohan,membru pesoal Timor oan hamutuk 48 simu ona sertifikadu.Sira daudaun kualifikadu ona atu hakat ba faze segundu husi programa ne’e,”Ameerah esklarese

Partisipante graduadu  Sandra hateten, “hau senti kontente tanba iha treinamentu ne’e ami hetan kapasitasaun barak mak  no husi ne’e hau bele ajuda kolega sira. Husi program ne’e no bele dezenvolve nasaun ida ne’e ba oin,”.