KFP Promove Grupu Gestaun Rekursu Umanus

Radio, Online - Komisaun Funsaun Publiku halao Workshoop  dahuluk hodi hari’i  grupu  jestaun ba Rekursu Umanus ba iha instituisaun funsaun publiku.

Workshop ba loron ida ne’e iha Balide, Tersa (15/6). Presidente Funsaun Publiku Liborio Pereira hatete, objetivo husi sorumutu ne’e atu dezenvolve kompetensia  ba jestro  rekursu humanus, rede servisu nian entre professional jestor rekursu umanu iha funsaun publiku nia laran no mos fornese mekanismo iha desiminasaun ba dekreto lei sira kona ba  setor refere.

Liborio hatutan, komisaun funsaun publika atu buka estabelese  relasaun nebe diak ho responsavel rekursu umanus ministeriu ida idak nian  atu nune’e implementasaun    lei  estrutura.

Iha oportunidade ne’e Prezidenti Funsaun Publiku lamenta tebes ba funsionariu publiku ne’ebe oras servisu halimar fali game iha office.

“Halimar game iha tempo servisu ne’e hanesan moras bo’ot ida ba funsionario publika hotu,”dehan Liborio.

Tuir Liborio katak funsionario sira nebe halimar game iha tempo serbisu ne’e tenke tuir formasaun tamba hahalok  ida ne’e bele fo impaktu ba knar funsaun publika nian . Tamba ne’e husu ba  diretor ida- idak , atu bele fo sansaun disiplinar.

Nia salienta liu tan,  eventu ne’e mos Director nasional no komisariu sira husi SCFP  sei iha oportunidade atu aprezenta dezafios no problema aktual. Rekursus umanus hanesan politika ba konversaun trabalhador temporariu no permanente hanesan estratejia importante ida ba estabilizasaun iha administrasaun publika.

Entretantu Komisaria funsaun Publik Jesuina M.F. Gomes  mos dehan, workshop ida ne’e importante tebes atu nune’e bele dezenvolve koinesemntu professional no abilidade husi sektor rekursu umanus sira. 

Iha sorumutu ne’e hetan partisipa husi husi director  jeral, director nasional sira,r rekursu umanus no xefes departemento husi ministeriu, sekretaria estado no organismo publiku RDTL nian.