Jardim 5 de Maio Colmera Hanesan Fatin Namora

Radio, online -  Jardim 5 De Maio arte Colmera hanesan fatin ida ne’ebe atu anima  labarik,  foin sae sira husi estudamte sekundariu to’o universidade uza fatin ne’e ba namora malu.

Rosa da Costa Soares hanesan  inan feton ida ne’ebe lor-loron hamos jardim ne’e hateten katak, fatin ida ne’e lolos halo atu anima labarik sira tamba iha animasaun ba labarik sira hanesan sae boy nomos selseluktam, maibe iha loron feto klosan no mane klosan mak lori malu mai tur iha ne’e.

“Uluk  polisia ho sikuriti sivil dala barak duni joven sira sai husi fatin ida ne’e maibe  mai nafatin. Joven balu tur rua-rua iha aihun sira husi dader to’o lokraik,”Rosa konfesa.

Iha jardim ne’e mos komunidade ne’ebe hela besik uza be’e ne’ebe sai la para ne’e hodi fase ropa depois foer hanesan rinso no sampo kulit soe arbiru deit ida ne’e hanesan problema boot ida.

Liu husi Rosa hanesan ema ne’ebe kontrola jardim ne’e husu ba governu liliu ministru kompotente tau matan ba jardin ne’e tamba jardin ne’e laos fatin fasi ropa no fatin ba foin sae namora malu.

Jardim 5 de Maiu hetan kontruksaun husi Hercules, Timor oan ne’ebe koinesidu no agora hanesan emprezariu bo’ot iha Jakarta.