Funsionairu Publiku Tinan 60 Sei Hetan Reforma

Radio, online – Prezidenti Fungsaun Publiku (FP) Liborio Pereira dehan ho aprovasaun lei konaba reformasaun funsionariu iha uma fukun Parlamentu Nasional dehan husi tinan ne’e ba oin funsionariu publiku mak tama tinan 60 sei reforma.

Prezidenti FP kasu lia hirak ne’e, liu husi konferensia da empresa (30/1) iha edifisiu Ministeiru Solidaridade Sosial (MSS) Kaikoli, Dili.

Liboriu hatutan, hahu ohin ba oin funsionario publiku sei iha direitu ba pensaun ida ne’ebe atribui ba funsionariu sira ne’ebe atinzi  e depois aplika mos ba funsionariu sira ne’ebe servisu maibe iha ona kondisaun ne’ebe labele kontinua halo servisu konsidera direitus ida ne’e sei hahu 2012 ba oin. Resime transitorio ne’e aplika ba Funsionariu Publiku hotu-hotu iha Timor-Leste tomak.tin

Iha fatin hanesan Ministra da Solidaridade Sosial Maria Domingas Alves dehan, aprovasaun lei ne’e tamba inisiativa husi governu rasik ba prosesu lideransa durante  tinan 2 nia laran hahu husi rezulusaun Konselhu Ministru numeru 7/2010.

Rezulusaun numeru 46/2010 iha 1 Dezembro Konselhu Ministru disidi atu kria sistema ida uniku ne’e katak sistema ida ba trablhadores ne’ebe servisu ba estadu no trablhadores iha sektor privadu atu hetan benifisiu ba ema hotu.

Ministra MSS ne’e reafirma liutan, ho aprovasaun resime  transitorio ba siguransa sosial ne’e halao tamba trablhadores de estadu prontu ona barak mak tama ona 60 anos e mos aprova resime trasitorio ne’e atu sei halao to’o 2015.

Iha fatin hanesan Sekertario Estadu Seguransa Sosial Vitor da Costa esplika katak, ho aprovasaun lei de seguransa sosial resime trasitorio ne’e governu asumi konpromisiu ida katak to 2015 sei garante sistema de seguransa sosial ida ba trablhadores hotu-hotu.

“Sektor  publiku no sektor   privadu   sei hetan dezafiu bo’ot ida atu inklui trablhadores hotu-hotu liu-liu sektor  prifadu ne’e depende sensialmente ba dezenvolvementu setor prifadu nian rasik,”Vitor esplika.

Ho kodiku de trabalho ne’ebe aprovadu diak teb-tebes ba trabalho sira hotu liu-liu iha setor privadu ne’ebe to agora seidauk formalizadu sira nia kontratu.