Radio, online - Kampaina parlamentar partido Congresu Nasional Rekonstrusaun Timorense (CNRT), iha kampu demokrasia , Viqueque vila foin lalais ne’’e, Prezidente CNRT, Kay Rala Xanana Gusmão husu ba povu Viqueque tomak atu la bele halo tan violensia hanesan akontese iha 2007.
Mesmu massa militante CNRT, iha Viqueque no organizasaun massa resistensua inklui mos FRETILIN Resistensia barak maka ne’ebe fo apoiu ba iha maun bo’ot Xanana Gusmão atu sai nudar primeiru Ministru ba iha kintu governu .
Maibe iha kampaina sira ladun partisipa hanesan bai-bain iha Distritu seluk, tanba hetan amiasa husi militante seluk,maibe militante garante katak CNRT sei manan iha viqueque. Kampaina iha Viqueque reprezente militente CNRT husi ossu, viqueque, Uato-Carbau.Husi sib Distritu Uato-Carbau labele partisipa tanba hetan amiasa husi partidu oi-oin, maibe sira garante kastak sira sei fo votus ba iha Xanana Gusmão.
Xanana mai atu hamutuk hametin unidade nasional hodi luta ba dezenvolvimentu iha pais ida ne’e. Dala ida tan nia husu ba povu viqueque atu hadok an husi violensia, hodi hatudu ba mundu timor oan sira mos bele.
Iha Distritu Viqueque, Xanana mos halo dialogu ho komunidade suku bahalauain, luhca, no bibileo hodi fo mos stoma deposse ba iha strutura CNRT foun iha fatin ne’ebe refere. Alende Xanana halo dialogo mos ho militante CNRT iha suku Uma tolu hodi tau mos airunan ba rate heroi Manuel soares ho Geraldo, no Laline, sub Distritu Lacluta.
TL iha ona moto hatene katak, adeus konflitu benvidu dezenvolvimento. Ne’e duni tinan ida ne’e atu hadok -an husi konflitu hodi nune’e bele hadia povu nia moris ba futuru.
Alarico oan husi heroi David Alex alias Dai Tula, husu ba povu Viqueque atu labele tauk amiasa ne’ebe husi emasa partidu seluk.ˮ Hau hakarak hatete deit katak lalika fiar ema ne’ebe uluk mai iha rai liur atu mai ukun ita , sira hakarak mai hadau poder no riku soin Timor nia, hatete Alarico.
Nia informa tan katak,ema ne’ebe konese povu ida ne’e mak Kay Rala Xanana Gusmão, ho Taur Matan Ruak, sira ne’e maka moris ho povu, terus ho povu ukun rasik an.
