STAE Preparadu Hakat ba Eleisaun Parlamentar

Radio, online - Sekretariadu Tekniku Administrasaun Eleitoral(STAE), prepara’an hodi realize ba eleisaun  parlamentar iha dia 7 de Julhu mai.

“Ami nia preparativus ba eleisaun  ida ne’e lao hela,atu hakat eleisaun 7 de juilhu,”dehan Diretor Geral STAE,Tomas  iah Merkadu Lama-Dili,foin lalais ne’e.

Atu labele mosu manipulasaun iha sentru votasaun, Tomas hateten, Comisaun Nasional das Eleisaun (CNE) ho STAE  hakarak loke  prosesu  ne’e ba publiku. Tamba ne’e maka iha 2.700 fiskais partidu politikus  sira iha sentru votasaun.

Nune’e mos Adjuntu Direitor  Geral ne’e, informa preparasaun ba eleisaun parlamentar,oras ne’e dadaun parte Selretariadu Tekniku Administrasaun  Eleitoral (STAE) aumenta ka monta  tan sentru votasaun hamutuk 640 no estasaun de votus  hamutuk oito  centos  e oitenta (880).

“Hau hakarak dehan, sentru votasaun iha  eleisaun  prezidensial ba primeira no segunda ronde  ne’e hamutuk sesento  e trinta  sentru votasaun , nomos oitocentos  sinquenta  estasun de votus. Agora ba eleisaun  ba parlamentar ne’e aumenta  sentru votasaun hamutuk sesentus e querenta, iha  estasaun  de votus  oitocentos e oitenta, ida ne’e ho razaun katak, iha eleitores barak no baze de dadus ne’ebe mak aumenta,” Manuel informa.