Komsumidores Sira Lamenta Kondisaun Fatin Feira Iha Farol

Radio, online -  Konsumidore sira  lamenta ho fatin  feira  nebe’e organiza husi  Ramkamby Group Lda, iha Jardin Francisco Borja, Farol, Dili.

Estudante ida  ho naran Filomina  Sandra Monis nudar vizitante ba feira refere hateten, nia sente triste ho kondisaun  fatin feira  ne’ebé tamba nakonu ho foer.

“Kodisaun fatin nebe’e foer  bele  fo impaktu ba saúde konsumidore sira  ne’ebé mai  vizita iha fatin ne’e no vendedores nebe’e faan  sasan iha fatin feira ne’e, ” Sandra hateten.

Nia hatutan katak kondisaun  fatin  feira ne’e mós   ladun  furak  atu atrai vizitante  sira rai laran no mos  vizitante  husi rai liur.

“Ha’u kontenti atu visita feira ne’e, maibe ha’u mos lamenta ho presu  sasan  ne’ebé as  ho kualidade  ne’ebé ladun  di’ak”

Iha sorin seluk, Sra. Noi mos hateten   sasan hanesan  ai-moruk  tradisionál, livrinu ou katezismu  no tersu nia presu ne’ebé baratu.

“Sasan balu hanesan  pasta  no ropa  nia presu  karun liu maibe nia qualidade la dun diak, nia hateten.
Tuir observasaun  jornalista Radio Liberdade, Kondisaun fatin ne’e la merese atu uza hodi realiza  feira refere.

Feira ida  ne’e realiza no  organiza husi   Kompainia Rankambia Group husi loron 9/8 to’o iha loron 12/8, 2012.