Radio, online – Reprezentante povu nian iha uma fukun Parlamentu Nasional, (PN) husu ba governu liu husi Sekertario Estado Promosaun Igualdade (SEPI) atu hari monumentu ba haroina Maria Tapo, hanesan fo onra ba luta feto nian iha prosesu libertasaun nasional.
“Hau husu ba SEPI atu tau atensaun ba feto maluk nia luta, liliu ba haroina Maria Tapo ne’ebe mate iha lina do fogu,”dehan Deputadu Josefa Pereira iha sesaun plenaria Tersa foin lalais ne’e. Responde ba asuntu ne’e.
Sekertario Estado Promosaun Igualdade (SEPI), Idelta Maria Rodriques hateten, atu hari monumentu ba haroina Maria Tapo ne’e merese duni. Maibe atu realiaza presiza iha enkontru interministerial liliu ho Ministeiru Solidariedade Sosial (MSS) asuntu Veteranus.
“Hau koalia ona ho Deputadus sira iha uma fukun PN, tamba Maria Tapo nudar feto no brani tebes iha tempo neba,”dehan Idelta. Deputada husi CNRT.
Carmeita Moniz dehan, importante tebes hari monumentu ba Maria Tapo, tamba see estadu hari duni ninia prezensa lori maluk feto nia naran ne’ebe uluk involve iha luta ba ukun rasik-an.
“Merese duni estadu rekoinese feto nia partisipasaun ba prosesu antes no hari nasaun ba iha futuru,”Carmelita esklarese.
Primeira Dama sei ajuda serimonia Herois Coni Santana.
Antes ne'e mos liu husi Primeira Dama, Isabel Fereira deklara katak, sei fo ajudus sentimentu solidaderidade ba familia saudozo Coni Santana hodi halot restu mortais iha simiteriu das Herois, Metinaru.
Primeira Dama kasu lia hirak ne’e ba ekipa treinamentu sensitivu jeneru husi Timor Leste Media Development Centre (TLMDC), (23/10). Isabel hatutan, hanesan sidadaun hau mos fo hau nia kontribusaun oitun tuir kibit nebe hau iha.
Tuir Isabel, kontribusaun ne’e apoi moral bele mos materia tuir saida mak iha. labele hanoin ba osan deit, husi hanoin bele ajuda halo buat ruma ne’e mos kontribuisaun. Serimonia ba herois Conis sei halao iha fatin rua, iha Mertutu (Ermera ) no iha Tutuala (Lospalos), tamba ne’e presija mos kontribuisaun husi sidadaun.
Familia restu mortais Conis ninian, Julio Coreia dehan, objetivo hasoru Primeira Dama tamba hanesan Prezidenti da Republika (PR) nia sinora ba nasaun Timor Leste no PR mos hansan Kompainareu da luta ou hanesan kolega.
“Ami familia nia difikuldade ne’e ami seidauk mai fo hatene Premeira Dama tamba ne’e ami mai informa ba Premeira Dama hanesan inan Primeru ba Timor Leste,” Julio konfesa.
Tuir plano halot mate isin herois Conis sei foti iha Mertutu ( Ermera) iha dia 9 de Novembru no lori ba Distritu Lautem Sub- distritu Tutuala sei halo homenajen ikus durante loron hat. Idepois lori mai fali Dili hodi intrega ba estado. Mak foin halot iha Semiteriu restumortais iha Metinaru.
