UPDATE: Goma monu iha rebelde M23 nia liman, tensaun situasaun iha teritoriu manas

Kinshasa, RD Congo - Rebelde M23 tama iha Goma kapital provisinsia Nord Kivu nebe riku tebes ho mineral sai fo tensaun ba situasaun geral iha teritoriu tomak manas.

Komunikadu ONU hateten "demonstrasaun relasiona situasaun iha Goma akontese iha Kisangani, Bunia, no bele akontese bainhira deit iha Kinshasa"

"Situasaun iha Bunia ladiak no ami horkalan toba deit iha office" haktuir Hernani Timor oan ida nebe hela iha Bunia. Hernani Amaral mai hosi distritu Vikeke. Nia kontinua dehan uma nebe sira hela ema sunu horkalan.

Iha Goma rebelde halo anunsiu ida hodi halibur Polisia PNC no forsa FARDC sira nebe rende ba sira iha stadium no hakilar ba ema barak nebe iha nee "imi hakarak ami too KInshasa?"

Oras nee dadaun Security Council ONU nian draft hela resolusaun foun relasiona ho situasaun iha rai laran.

Situasaun ba Timor oan iha rai Republika Demokratika Congo

Oras nee dadaun Timor oan sira nebe serve ba ONU iha nee ho kondisaun diak hotu.

Timor oan nain 3 nebe evakua horseik oras nee diak hotu, 2 sei hela nafatin iha Bukavu no ida senhor Francisco iha ona Uganda.

Hernani Amaral iha Bunia fronteira ho Uganda horkalan tenke toba iha office tamba situasaun la permite nia atu fila ba uma, no infelizmente uma ema sunu hotu.

Joao Mistu mai hosi Manatuto iha Kisangani iha hela tensaun situasaun aas mais nia diak hela.