Kinshasa, RD Congo - Al Jazeera fo sai direta atus ba atus soldadu forsa armada FARDC no polisia nacional Congo PNC rende ba rebelde iha stadium Goma.
M23 grupu rebelde nebe Rwanda mak iha sira nia kotuk tama iha Goma iha tersa feira 20/11/2012.
Roket, granada, no explosaun no kilat halo M23 tama too Goma laran.
Ema rihun ba riihun hala iba Rwanda hanesan refugiadu.
M23 tama iha tersa dader san no too lorokraik kilat tarutu laiha ona, M23 domina iha sidade Goma laran.
Komando M23 nebe akuzadu hosi ONU ba fo kilat labarik kiik, no halo violencia seksual haleu iha sidade laran no foti liman ba ema iha Goma hateten ba sira atu sai mai hare ami (M23).
Forsa dame ONU nian nebe bolu MONUSCO, la ajuda governu iha tiru malu tersa feira nee bainhira rebelde hadau Goma tamba laiha mandatu atu tiru malu hateten porta voz FARDC nian Olivier Hamuli, nebe hateten nia frustrasaun.
Porta voz ONU nian ida iha Nova Iorke hateten forsa MONUSCO nian 1500 labele tiru hasoru M23 tamba laiha mandatu.
Forsa dame nian labele substitui forsa rai nain, porta voz nee hatutan.
Iha Kuarta Konselhu Seguransa ONU nian halo revizaun ba mandatu ONU nian iha Congo.
Resolusaun mos konkorda fo sansaun ba rebelde M23 nia grupu no lideransa, mais la hateten sai nasaun rua Rwanda no Uganda iha sira nia kotuk. Arsen/Afrika.
