Dili udan bo’ot rai monu duku uma rua

Radio, online – Udan bo’ot habokon kapital Dili,  Sabadu (5/1) halo rai dodok no rai monu. Iha Kakaulidun rai monu duku uma  rua.  Sasan iha uma laran la konsege salva, sai estraga hotu.

Vitima, Domingos Vitor dehan, impaktu husi udan bo’ot hodi halo rai mamar no duku tiha uma rua, hodi halakon sira nia sasan.  Tuir  vitima sasan sira mak estarga sura ba osan kauze U$ 1000.

Rai monu hodi duku uma rua ne’e iha oras 16:00 lokaraik otl. “Udan bo’ot, ami hotu iha uma laran, derepenti deit rai iha uma kotuk monu tomak mai iha ami nia uma leten. Iha dezastre ne’e, laiha ema ida mak hetan kanek.

“Ami husu ba governu husi parte Ministeiru Solidariedade  Sosial atu fo tulun mai ami,”dehan Domingos ho esperansa.