Radio, online - PR Taur liu husi ninia diskursu hato’o agradese ba kompaina media imprimi no media estadu nian, ne’ebe durante ne’e divulga informasaun ba povu iha nasaun ne’e, maske povu iha area rurais sei menus ba informasaun ba prosesu dezenvolvimentu nasaun ne’e.
PR Taur konvida media iha tinan 2013 sai tinan importante mos ba media atu nafatin dudu ho informasaun ba prosesu dezenvolvimentu liu husi kritikas no sujestoins sira.
Iha tinan 2012, TL halao eleisaun jeral, iha momentu ne’ebe media nasional esforsu an tebes hodi foti informasaun husi kandidatu no partido politiku sira.
“Ida ne’e hatudu katak, media nia papel importante tebes. Ho ida ne’e hau sempre valoriza media sira, liliu mos ba jornalista Timor oan sira mak la kole hodi hato’o informasaun mai lider sira no povu tomak,”dehan Taur.
PR Taur mos ekoraza ba media sira se iha problemas mak iha, governu iha Sekertairu Estadu Asuntu Komunikasaun Sosial nian, bele ba husu apoiu, tanba governu harii Sekertairu Estadu ne’e hodi hare duni ba media nasional sira.
“Hau espera iha 2013 bele lori susesu ba jornalista sira iha organizasaun ididak hodi halao knar nomos konta apoiu husu hau,”Taur akresenta.
