Radio, online - Estudante husi fakuldade direitu halerik tanba kuaze nain atus tolu (300 tal) sedauk hetan almamater nune’e prejudika sira nia atividade estra tanba persiza uza almamater nue bele reprezenta UNTL.
Aristides Gusmão Sarmento hanesan estudante ida husi fakuldade Direitu, iha kuarta-feira ne’e, iha Dare hateten, sira nia prossu aprendizazen komesa lao ona durante tinan rua ona maib to agora seidauk hetan almamater nune’e bele fo inpaktu ba sira nia atividade ekstra.
“Tanba sa mak UNTL momentu loke inskrisaun ba estudantes, perparasaun ba fahe almamater ne’e la tuir studante ne’ebe iha? Administrasaun iha ona lista kompletu maibe nukazu ami eskola ona tinan 2, ami ba ezizi bebeik administrasaun maibe sira dehan ida ne’e terbatas, ida ne’ mak sai ami nia preokupasaun,”dehan Sarmentu.
Nia hatutan tan katak durante ne’e sira ba ezizi nafatiin maibe laiha rezultadu. “Durante hau tuir konkursu ilmia ida konaba kombate korupsaun, hau nia almamater laiha. Demi nama baik UNTL hau ba impresta kolega nian deit nia momentu ne’e hau juara tanba deit jaga nama baik UNTL nian, wainhira Ban Ki Moon mai ami laiha almamater ida ne’e prejudika ami, maibe ami la preokupa ho ida ne’e ami ba impresta kolega sira nian,” hatutan Sarmento.
Hatan ba kestaun sira ne’e administrador jeral UNTL nian Mateus Fernandes hateten, farada ne’e tuir lolos to’o ba sira maibe, estudantes tuan sira mos simu.
“Kuaze estudante nain 300 tal mak sedauk simu almamater, oras ne’e dadaun ami sei pesan hela, hein tan oituan atu nune’e it abele halo kompleta farad sira ne’e, kestaun ne’e tanba estudante tuan mos simu hotu almamater hodi nune’e farad la to’o ba sira,”dehan Fernandes.
Nia hatutan tan katak husu boot ba studantes sira atu kalma oituan lai tanba buat hotu liu husi ninia prosesu.
“Kalma uituan, ezizi ne’e direitu estudante nian, imi mos hatene prosesu ne’e han tempu oituan , nain 300 ne’ebe hein ho kalma hau garantia katak sira sei bele hetan saida mak sai hanesan sira niadireitu, tanba tuir planu almamater oras ne’e dadaun iha hela prosesu suku nia laran,"nia hatutan
Husi: Fander H. N. Ventura
Departementu: Comunikasaun Social
Faculdade : Ciencias Sociais
