Radio, online - Merkado Manleuana fatin ne’ebé luan tebes ba vendedores sira atu utiliza, maibe hare e ba realidade vendedor sira balu sei fa’an nafatin sasan iha fatin ne’ebé haree la seguru ba sira.
Vendedor sira iha Merkadu Ponte Maloa mantein nafatin fa’an sasan iha sira nia hela fatin, tanba rai ne’e sira nian rasik.
Tuir Maria de Fatima, nu’udar vendedor, uluk Governu hasai sira atu muda bá Tasitolu, maibe sira lakohi atu muda tamba sira fa’an sasan ba sira ninia vizinu.
“Ami husi fatin ne’e no atu muda ba Tasi tolu, maibe ami dehan faan sasan iha ne’e ba vizinu laos loke merkadu no to’o agora seidauk rejistu no Governu mos seidauk hasai ami, hosi fatin ida ne’e,” nia haktuir.
Iha parte seluk , Angelo Gusmao afirma, “ hau halo negosio iha ne’e, maibe hau aluga rai la’os hau nia rain rasik, no kada fulan hau tenki selu ba rai na’in $50 Amerika. Maski hau selu maibe hau sente kontenti tanba fatin ne’e besik no ema barak mai hola hau nia sasan ne’ebe hau fa’an hanesan modo mutin, Tomati, Kanko fehuk midar no seluk-seluk tan.”
Nia hatutan katak, karik aban bain rua Governu atu hasai sira hosi fatin refere tenki kria kedas kondisaun iha merkadu Maunleuana, nune’e sira bele fa’an sasan ho hakmatek no nia rekomenda vendedór sira hotu tenki ba halo negosio iha ne’ebá.
Iha oportunidade hanesan Komprador Cesaltina Da Rosa Maia, hateten nia prefere liu hola sasan iha Merkadu ne’ebe besik nia uma, duke nia ba Merkadu Manleuana ne’e be dok tebes.
Nia hatutan tan katak, karik aban bainrua, fatin refere Governu muda ba Manleuana hakarak ka lakohi tenkie ba kompras duni iha ne’eba.
Iha sorin seluk, Luvina de Jesus Carvalho hateten, “hau kontente wainhira hola sasan iha fatin ne’e tanba sasan iha ne’e folin baratu liu kompara ho Merkadu Taibesi no Halilaran. Ladok hosi uma no lalakon osan ba transporte. Ami mos bele halo langganan ho vendedor sira kona-ba obralan.”
Tuir observasaun partisipante treinamentu jornalizmu baziku nian, iha area Merkadu ponte maloa,iha kondisaun ne’ebé la favoravel tanba movimentu transporte estraga vendedor sira nia sasan ne’ebé sira fa’an. Liu husi rai rahun,no fatin ne’ebé klo’ot tebes ba sira atu hala’o sira nia aktividade negosiu lor-loron.
Tinan barak ona vendedor sira ne’e faan sasan iha fatin refere no Governu mós koko ona atu muda sira bá fatin seluk, maibe la konsege.
Partisipante treinamentu jornalzimu baziku juventude TL 2013
Grupo IV
1. João Godinho Branco
2. Arjilia Bernardino Vilela
3. Edigarda Soares da Costa pinto
4. Zelita de Fatima Martins
5. Sancho C. Fátima
6. Ernestina de Jesus Guy
7. Raimundo S. Fraga
