Dili bee sae, transporte paradu total

Radio, online – Iha loron Sabadu, (16/02), kuaze oras nen (6) nia laran la iha haksolok ba komunidade iha Dili laran liliu ba komunidade Vilaverde, Aitarak Laran, to Pantai Kelapa, tanba udan boot halo Dili laran sae hanesan mota.

Impaktu husi idan ne’e, transporte privadu, governu, publiku no komunidade ne’ebé sira mak afeita ba inundasaun bee sae ne’e halo sira paniku no sasan uma laran sai dodok hotu.

Tuir kondotor taxista Manuel Lelon, udan bo’ot halo nia senti tristi tanba, udan halo mota suli latuir irigasaun hodi be suli arbiru iha Estrada to’o nia mos halo atividade hanesan buka osan ladiak.

“Ha’u nia laran susar los tanba be suli la tuir nia fatin, suli arbiru deit, tanba nakonu liu hodi komesa mota bot iha Estrada laran, agora dadaun hau nia taxi para hela tanba liu ladiak, be nakonu to’o roda rua mos lakon no ha’u atu halo atividade buka osan mos ladiak”,  Dehan Kondutor Ne’e. 

Antonio da Costa nudar pasajeirus ida hateten, nia atu fila ba uma maibe fila ladiak tanba be nakonu iha Estrada laran, nakonu to’o iha nia ain tuur no transporte publiku mos paradu hotu.

“Hau atu fila ba uma maibe kareta mos la halai ona, be mos nakonu liu iha Estrada laran, maijumenus to’o ain tuur halo hau atu fila mos ladiak”, hateten Nia.

Tuir Gilberto do Rosario, nudar komunidade husi parte Aitarak laran, erosaun mota boot liu no lori foer barak bou iha strada, uma hun no halo emvairomentu laran foer at los.

“Inundasaun  mota bot liu tanba ne’e nakonu liu fali fatin sulin nian I foer ne’ebé mota lori mos barak hodi bou arbiru iha Estrada laran, iha uma hun, no envairomentu laran foer hodi fo impaktu ba mobilizasaun kareta no motor sira atu liu ladiak”, hateten Gilberto.

Virginha de Jesus estudante UNTL husi faculdade Siensia Politika hateten nia laran susar los atu fila ba uma ladiak tanba udan bot halo mota sulin iha estrada laran.

“Hau nia laran moras parmate tanba iha Estrada laran nakonu ho be ne’ebé nalihun i udan mos bot, ha’u atu fila mos ladiak tanba tauk be lori,"nia hateten. (fdr)